Willemstad – Resientemente den kuadro di e tópiko di Salubridat Seksual na Kòrsou, inkluyendo e lucha kontra Malesanan Transmití Seksualmente (STD), Departamentu di Malesanan Infeksioso di Ministerio di GMN a invitá tur organisashon ku tambe ta aktivo riba e tereno aki di seksualidat i malesanan relashoná ku esaki na un enkuentro ku a tuma lugá na Ministerio di GMN na Colon.
E enkuentro tabatin un karakter introduktivo, ku e intenshon pa eksplorá kooperashon entre tur e organisashonnan pa asina sigui konstruí i fortalesé e relashon.
Durante e enkuentro, Servisio di Salú Públiko di Kòrsou di GMN a presentá nan plan di aserkamentu na e stakeholders i prinsipalmente skucha nan opinion, feedback i ekspektativanan. E perspektivanan di e stakeholders ta di gran importansia pa tuma na konsiderashon i sigui elaborá riba dje pues un diálogo habrí entre e organisashonnan ta e fundeshi pa un kolaborashon eksitóso. Lo sigui informá komunidat di e trayekto di aserkamentu i kooperashon aki.