Promé minister di Trinidad i Tobago, Keith Rowley.

PORT-AU-PRINCE –  E promé minister di Trinidat & Tobago, Keith Rowley, a pidi den oranan di djabièrnè na e Gobièrnu haitiano pa fiha un kalendario pa selebrashon di elekshonnan liber i hustu na e pais, kua ta pasando den un krísis grave sosial i di seguridat.

E último elekshonnan presidensial a keda selebrá na 2016, despues di a keda di skùif na vários okashon, i despues di e asesinato di Jovenel Moise na yüli di 2021, e promé minister, Ariel Henry, ta ehersé komo kabesante di estado interino.

E Komunidat di Karibe, Caricom, organisashon di 15 miembro di kua tantu Haiti komo Trinidat i Tobago ta forma parti, tabata mediando entre diferente aktor polítiko haitiano pa yuda selebrashon di elekshonnan nobo.

E Departamento di Derechi nan Humano, di e Ofisina Integrá di Nashonnan Uní na Haiti, a informá ku a eksperimentá un oumento di 8% den violensia na Haiti entre luna di òktober i dezèmber di 2023, kompará ku e trimèster anterior.