VELDHOVEN—Gobièrnu hulandes a prohibi e fabrika di mashin di chep ASML pa manda algun mashinnan ultravioleta (DUV) pa China.

E permit di eksportashon pa e mashinnan avansá, ku ta kosta 80 pa 90 mion euro kada unu, a keda revoká bou di preshon merikano. E prohibishon ta remarkabel pasobra un prohibishon pa entrega e mashinnan sofistika aki a drenta na vigor 1 yanuari. Den un komunikado ASML ta bisa ku for di 2023 e kompania a keda alerta pa gobiernu hulandes. E no ta menshoná fecha. Algun kliente no a haña nan merkansia, no ta menshoná kuantu. ASML a keda konfrontá den 2023 ku medidanan di Merka i Oropa pa wanta desaroyo teknologiko di China. E kompania di Veldhoven por entrega menos mashin na China. E mashinnan mas avansá ASML no por a bende China, nan ta kosta mas di 150 mion euro kada unu. Den oktober sifranan a indika ku klientenan di China a kumpra gran kantidat di mashinnan ma ASML prome ku e sanshonnan nobo a drenta na vigor. ASML ta indika ku e prohibishon no tin konsekuensia pa e sifranan di 2023. E kompania a haña mas klaridat riba e prohibishon di eksportashon pa e mashinnan. Nos ta kopera kompleto ku tur leinan i regulashonnan di paisnan kaminda nos ta aktivo, e kompania a enfatisá. China no ta kontentu ku e prohibishon prematuro riba mashinnan ultraviolet. Den un reakshon nan ta pidi Hulanda pa respetá lei.