Willemstad,– Señor Maharo Isenia di direktorado di komunikashon a splika ku e meta ta pa reanudá bida regular mas tantu posibel na un manera “Covid safe”, sin muchu limitashon, implementando sierto prekoushon pa minimalisá riesgo di kontagio i alabes mantené e situashon ekonómikamente i práktikamente alkansabel pa e empresario.

E ta bisa ku pa aklarashon mester bisa ku e intenshon ta pa ora ta forma parti di e asamblea, pa tur hende enfoká riba e tema ku ta tratando e momentu ei, i esaki ta un di e motibunan ku no a pèrmití pa drenta ku telefon kual a kousa sierto desgusto serka algun hende ku mester a partisipá den e asamblea.
TEMANAN:

• Evento Piloto
  Organisá eventonan piloto pa logra desaroyá i implementá protokòl pa organisá eventonan ku ta:
  . Alkansabel i práktiko pa e organisadó.
  . Sigur (safe) for di perspektiva di Gobièrnu pa minimalisá riesgo di kontagio.
  . Agradabel pa e públiko ku ta partisipá.
• Eksigensianan epidemiologiko
• Norma/Instrukshonnan nobo
• Proseso di konsulta digigital (App)
• Steker
• App pa kontròl
• Inspektor di seguridat den sektor di konstrukshon
• Data transparente
• Narativo
• Digitalisá aplikashon pa pèrmit
• Tèrmino largu
  For di e asamblea a sali e idea pa algun proyekto piloto i a yega na e siguiente eventonan ku lo desaroyá:
  Lo bai organisá un aktividat bailabel den un lugá será.
  Lo bai organisá un aktividat bailabel den un lugá habri.
  Lo bai sinta wak un show di komedia/baile/obra teatral.
  Lo bai organisá un evento di “Drag Race”.
  Señor Isenia a splika ku ya esakinan ta den tratamentu i pa aki dos siman por spera ku ya lo organisá e fiestanan tantu den lugá será komo den lugá habri, pero naturalmente esakinan lo konta ku reglanan.
  Entre otro lo bai tin 200 persona no bakuna, pero ku a pasa e tèst antigeen i esaki ta negativo i tambe 200 hende ku si a bakuna. Lo bai usa e aplikashon digital komo parti di e proyekto piloto. Pues na porta lo sa via di e app ku bo por drenta si òf nò.