Delikado: segun minister Javier Silvania, e eskoho pa wak ken no ta wòrdu pagá ta un eskoho difísil i delikado.

Punda—Kabinete Pisas a tin un presupuesto di 52 mion durante Yüni pa finansiá kostonan relashoná ku Covid. Siman pasá un kantidat di kompania a kuminsá haña sèn di “TVL”, kompensashon pa nan gastunan fiho, riba nan kuenta di banko. Pero durante reunion di parlamento e kosnan tei mustra otro.

Pa lokual ta trata pagonan di TVL i NOW a konstata un retraso debi na Mei tambe sierto pagonan di NOW a keda atras. Esei a pone un dobel konteo pa Yuni riba presupuesto. Ttin un suma di kasi 14 mion florin presupuestá pa Yüni miéntras pa NOW tin 9 mion florin. Ademas tin indikashon ku un suma di 16 mion florin riba presupuesto di likides pa bai na pagonan relashoná ku èkstra kosto den Kuido Médiko. Entre nan tin un sosten di 10 mion florin pa CMC. CMC ta den un problema di likides serio i aparte di apliká pa NOW, nan ta risibiendo sosten finansiero dirèkt for di gobièrnu pa por paga kostonan èkstra relashoná ku Covid 19.  Na inisio di Aprel e situashon na CMC tabata kaótiko, tantu na nivel operashon komo na nivel finansiero.  E instituto di kuido nashonal, apénas tabata na porta pa grita “kódigo pretu”.  Pero kosnan a bin kambia despues ku gobièrnu di Kòrsou a duna finansiamentu èkstra i gobièrnu di Hulanda a duna asistensha tékniko i ekipo pa evitá e anunsiá katastrofal pa kuido médiko lokal. Segun direktor Gilbert Martina,  for di inisio di Aprel 2021 a duna asistensha di likides unda CMC por a finansiá gastunan marginal envolví ku kuido i kombatimentu di Covid.  Durante último rueda di prensa ku CMC a tene riba e situashon di Covid, Karina Lombardi kontrali na e luna anterior,  a bisa ku nan tin likides pa kombatí Covid. Segun Lombardi, CMC tabata den un posishon ku problema di likides agudo. Miéntras gobièrnu lokal a duna sèn na inisio di Aprel, Hulanda a sostené ku ekipo tékniko i personal. Miembronan di AMI i Extra Handen in de Zorg Hulanda a finansiá. Ta trata di gastunan di salario, biahe i estadia. Gastunan di personal di AMI si ta gobièrnu di Kòrsou ta pagando. Segun Martina, un pashènt di Covid ta kosta mas ku un pashènt normal, esaki sin konsiderá e gastunan èkstra di esnan den Kuido Intensivo.

Aparte di ta dunando finansiamentu èkstra na CMC, NOW TVL,  gobièrnu ta ehekutando pagonan normal for di Fondo di Sosten relashoná ku Covid 19. Ta trata di un suma total di 20 mion florin. Durante di un rueda di prensa siman pasá, Minister di Finansas Javier Silvania a konfirmá ku un eskoho kua gastu ta bai paga i kua gastu no ta bai paga lo ta un prosedura ferfelu i delikado. Ta pronostiká ku e luna aki kasi 10 mion florin na gastu lo no wòrdu kubri pa gobièrnu.