DEN HAAG—Gran parti d hendenan ku a vota pa partidonan di koalishon den elekshon Tweede Kamer, no a bai vota pa parlamento Oropeo.

Esaki segun investigashon di Ipsos pa NOS Nieuws.prinsipalmente votadonan di NSC a keda kas masalmente, kasi 59% no a bai urna e siman aki. Serka PVV e no ta diferente, 56% ku a vota pa PVV den Tweede Kamer a keda kas. Tòg PVV kontrali na 2019 a logra mobilisá e votadonan pa vota. Den 2019, 68% a keda kas, awor 44% a bai urna. Parse ku PVV a haña e 4 asientonan ku FVD a haña den 2019. VVD i BBB tin hopi no-votadó den nan seno, 47 ku 44% no a hasi uso di nan derecho di voto pa Parlamento Oropeo. Apesar ku mas hende a bai vota ku den 2019, e kantidat ku a bai vota ta keda abou. NSC ta ekstra remarkable pasobra solamente 13% ku a vota pa nan den Tweede Kamer, a vota pa parlamento Oropeo. 59% no a vota, 7% a bai pa CDA. Kompará ku 80% di hende ku a bai vota pa Tweede Kamer, solamente 46% a vota pa parlamento Oropeo. Partidonan pro-Oropeo a mantene hopi di nan votadonan. Serka Groenlinks-{vdA, 22% a keda kas.