DEN HAAG—Segun Timmermans, lider di kombinashon Groenlinks-PvdA, ta bon pa pais si VVD keda pafó di gabinete pa un tempu.

Asina Timmermans a bisa djasabra na e promé kongreso konhunto kaminda kasi 5000 miembro di e partidonan a reuni. Timmermans kier un otro direkshon pa Hulanda, mas sosial. Esaki lo no ta posibel ku VVD. Nan kier bai otro banda pero derecho, ku nos no ke segun Timmermans. Ta mas logiko pa Timmermans buska koperashon ku CDA of e partido di Omtzigt, NSC. Delaster biaha ku PvdA tabata den koalishon ku VVD tabata 2012-2017. Timmermans tabata minister di Asuntunan di EKsterior den e gabinete den e periodo menshoná. E sosial-demokratanan tabatin e derota di mas grandi den historia parlamentario despues di e gabinete aki. E eksprerensia aki naturalmente ta hunga un ròl den e reserva di Timmermans pa koperashon ku VVD. E resiente interogashon di eks-minister di VVD Kamp den enkuesta parlamentario pa maneho di froude tambe ta hunga un ròl. Kamp a defende e manera ku pa años a atende ku supuesto froude ku kompensashonnan. Timmermans no ta kompronde kon Kamp por a hasi esaki, sabiendo kiko e konsekuensianan ta. Esaki ta demostra kon e partido ta pensa di hende. Tòg por sosode ku despues di resultadonan di elekshonnan di 22 novèmber no por ignora VVD. Tur kos ta depende di e resultadonan segun Timmermans.