Back to Top
Responsive image
E korant di pueblo

Grupo atrakadó ta baha di dak atraká famia chines


May 29, 2021 • 1 minüt pa lesa

Yegada di personal di ambulans pa asina por a duna e víktima maltratá asistensia.

Willemstad— Den oranan di anochi Polis mester a bai riba Dr. Maalweg pa un kaso di atrako brutal den un restorant- kas unda a maltratá e famia chines malamente pa por haña sèn.

Tabata  nèt despues ku e famia chines a kaba di yega kas i a pasa via di nan restorant Fook Wah situá riba Dr. Maalweg pa asina nan por a yega na nan kamber nan a tende un zonido fuerte. No a dura masha ku e famia chines a keda sorprendí pa algun tipo kara tapa ku arma den man ku a kuminsá pidi pa sèn. Pa pone mas preshon riba nan eksigensha a kuminsá maltratá un di e hòmber chines. Un di e tiponan a bai den e restorant unda e la bin topa ku un bleki yena ku sèn larga kual e la poderá di dje. Despues di basta maltrato e komersiante chines a bin mustra un di e tiponan atrakadó na unda e tabatin poko sèn warda.  Despues di esaki e tiponan a bula e muraya patras di e negoshi i a somentá den e skuridat. Polisnan a kuminsá ku un búskeda den e aria pero sin e resultado deseá. E tim di atrako a keda enkargá ku e investigashon.

Login