Establesimentu unda e atrako a tuma lugá.

Willemstad— Un gran kantidat di Polis a keda dirigí pa St Kittsweg ku ta keda den e bario di Buena Vista pa un kaso di atrako na un establesimentu unda tabatin losmentu di bala ku probablemente ku herido.

https://www.facebook.com/photo?fbid=531042112524700&set=pcb.531042162524695

Tabata den oranan di anochi riba 5 di aprel ku Polis a haña e informashon ku na e minimarket Kon Xing na St Kittsweg mester tin un atrako den progreso unda tabatin losmentu di bala. Polis ku a bai na e sitio a keda informá ku ta un kolega di nan na sivil ku na momento di e atrako tabata den e establesimentu mester a los tiru dirigí riba e atrakadó kual a pone ku e la kore bai kai pafó di e establesimentu pa despues un otro suheto ku tabata den un vehíkulo blanku mester a baha i yud’é pa hink’é den e vehíkulo i asina a kore bai for di e sitio.

https://fb.watch/jM9_4zamFx/

Na e sitio por a mira un kapuchon ku a keda tras i tambe a tuma nota di rastronan di sanger. Esei a pone ku a pidi presensia di e tim di atrako i tambe reshèrshinan Forensiko pa asina por a hasi mas investigashon na e sitio. Por a tuma nota ku a konfiská artíkulonan ku a keda tras ku a kai for di e tipo atrakadó. A keda di hasi mas investigashon na CMC pa wak si aya nan por a trese un hende herida. E kaso ta den investigashon. Polis ta konektando e atrako ku morto di eks detenido Shairon Paulina.