Willemstad,– Despues ku un aksidente entre 3 vehíkulo a tuma lugá riba santa rosaweg/perseusweg, un grupo di siklista a purba na skapa dedenan di un di e víktima nan ku tabata envolví den e aksidente.
Dor di e aksidente ku a surgi riba Sta Rosaweg e dama den e pikop su dedenan a keda pegá den porta di e vehíkulo. Un grupo di siklista ku tabata pasando den e aria mesora a drenta akshon i a purba di hasi uso di un jack pa habri e porta pero esaki no a logra. Ta despues ku nan a haña un balki grandi di palu e siklistanan a logra di dobla e porta ya e dama por a saka su man.
Segun un di e siklistanan e dama su man e keda kompletamente plèchá. 4 di e 5 dedenan tabata di klèm den e porta di SUV i lo tabata tin basta sanger.
Mester a asta kalmá un di e siklista nan debí ku el a keda poko spantá despues ku el a wak e leshon ku e dama a sufri. Ambulans a presentá i mesora a transportá e dama pa CMC pa asistensia médiko.