Polisnan na e sitio pa ta mas eksakto Seru Fortunaweg pa asina por a hasi mas investigashon.

Willemstad— Den un estado di prekupashon un siklista menor di edat a keda transportá pa CMC despues di a wòrdu alkansá pa un pikòp riba Seru Fortunaweg.

Ayera nochi a pidi presensia di ambulans i tambe Polis ku urgensia na un kas riba Seru Fortunaweg unda un hóben tabata warda asistensia despues di a keda alkansá pa un vehíkulo. Ambulans a logra di yega rápidamente na e sitio unda e paramedikonan a bin topa ku un menor di edat ku tabatin basta sla na su kurpa despues ku e pikòp a dale. E víktima tabatin sla na ámbos brasa i tambe pia i  tabata den un estado di prekupashon.

https://fb.watch/r2MNTMexFW/(Klik pa wak Vidio)

Mesora a duna e menor e promé asistensia pa despues a transporte ku urgensia pa CMC. For di un investigashon hasi na e sitio a bin saka afó ku e pikòp e yega i lora drenta e hanchi i a bin top’é ku e hóben riba e baiskel. Un choke tabata inevitabel. A pidi presensia di Polis di tráfiko na e sitio pa asina por a hasi mas investigashon ya ku e shofùr di e pikòp pa kolmo no tabatin su reibeweis huntu kuné. Polis di tráfiko a keda enkargá ku e investigashon.