Krus Kòrá lo keda kontentu ku donashon pa asina finalisá konstrukshon di nan edifisio nobo.

Willemstad,– Crystal Willems di Guardian Group a splika entre otro ku e kaminata tin un meta tambe pa duna bèk na komunidat.

Willems a splika entre otro ku tur aña Guardian Group ta hasi donashon na un fundashon ku ta ofresé un bon kousa na komunidat di Kòrsou. Mirando ku Krus Kòrá falta finansiamentu di finalisá konstrukshon di nan edifisio ku a pega kandela, Willems a indiká ku e aña aki Guardian Group a opta pa ofresé e donashon na Krus Kòrá pa asina e fundashon por kompletá konstrukshon di nan edifisio nobo.

Segun informe, pa dezèmber 2023 e edifisio di Krus Kòrá ta kla, pero ainda falta fondo pa kompletá kompra di muebel.