Joseph Vincent, kende a deklará su mes kulpabel.
ESTADOS UNIDOS – E haitiano-estadounidense Joseph Vincent, detené na Estádos Unídos, huntu ku vários sospechoso di a partisipá na 2021 den magnisidio di e presidente haitiano Jovenel Moise, a deklará su mes kulpabel na dezèmber último.
Vincent, kende a presentá na luna di febrüari pasá den un korte di Miami, a solisitá den oranan di djamars un oudiensia di kambio di deklarashon di kulpabilidat, ku e wes Jose E Martinez a programá pa dia 5 dezèmber.
E akusado ta enfrentá un kargo di konspirashon pa kometé un asesinato òf sekuestro di un persona pafó di Estádos Unídos.
Moise a keda tirá i asesiná na yüli di 2021, pa un komando armá ku ekipo militar, kende nan a drenta den su bibienda, na e kapital di e pais.
Vincent a presentá dilanti hustisia na Miami, huntu ku e tambe haitiano-estadounidense James Solages i Christian Sanon, i e eks militar kolombiano German Alejandro Rivera Garcia.
Segun Fiskalia estadounidense, e tres nan aki a reuní na aprel di 2021 na sùit di Florida pa plania un kambio den Presidensia di e Nashon karibense i a elaborá un lista ku ekipo i armamentu ku tabata inkluí rifel, gas, granada i chaleko nan antibala.
Solages, Vincent, Rivera i otro nan a intentá sin éksito pa detené e presidente i sekuestr’é, pa kua na yüni di 2021 Solages a biaha na sùit di Florida pa sera un operashon kontra Moise, despues na yüli a regresá pa partisipá den e asesinato.
Dia 6 di yüli, Solages, Vincent, Rivera i otro nan a reuní den un bibienda den serkania di e residensia di e presidente Moise, den kua a anunsiá ku e mishon ta di asesiná e presidente.
Otro detenidonan ta e kolombiano Maria Antonio Palacios Palacios, e empresario haitiano-chileno Rodolphe Jaar i e eks senador haitiano Joseph Joel John.
Na yüni último, Jaar, kende a deklará su mes kulpabel di bringa apoyo na komando pa realisá e asesinato, a keda sentensiá pa un wes federal di Miami, na un kastigu di bida largu.
Segun e Fiskalia di Estádos Unídos, aproksimadamente 20 siudadano kolombiano i otro tantu haitiano a partisipá den e kòmplòt.