WILLEMSTAD,—-Loke ku tres siman pasa a sali den e matutino nòmber 1 di Kòrsou ku ta Korant Vigilante,kaminda ku a menshoná  nòmber nan di artista nan manera Olga Tañon,Servando i Florentino i Feid.

Den e artíkulo a keda menshoná ku e artista nan menshoná lo bai presentá den e festival ku tin kaya dominá ku ta “Hak’e Summer Festival ku ta tuma lugá riba dos dia i e dos dia nan ta 28 i 29 di yüni binidero. Ta asina ku for di tres siman pasa ya kaba hopi hende tabata sinta warda riba e fecha ku ta bai tin rueda di prensa pa asina nan por a tende for di e organisashon di Hak’e mes ku si e artista nan ku a keda menshoná den koran Vigilante ta e mes un artista nan ku lo ta aki na Kòrsou riba e dos fecha nan menshoná.

Tabata ayera ku e rueda di prensa a tuma lugá i esaki a tuma lugá na “Curaçao Airpot Venue” ku por sierto tabata bon bishita di e parti di media ku sigur a sa di saka kara ku nan presensia. No a dura masha ku a anunsiá kua ta tur e artista nan ku ta presentá ria e dia di djabièrnè 28 di yüni i esaki nan a resultá di ta artista nan manera Dj Ramil,Axel & Orchestra,Merengue All Stars ku kantante nan invitá manera Kinito Méndez,Wilfrido Vargas i Fernandito Villalona i pa sera e anochi di djabièrnè ta bai tei Olga Tañon.

Pa loke ta trata e dia di djasabra lo bai tei artista nan manera Dj RO-1,MC. Chris Strick,NSTPLAY,Servando i Florentino i Feid. Pues mester bisa ku ta trata aki di dos anochi kaminda ku lo bai tin artista nan internashonal ku sigur lo bai perkurá pa trese un show riba nivel haltu. Esaki ta netamente loke ku Minister Ruisandro Cijntje a trese dilanti durante di su diskurso ayera tardi durante di e rueda di prensa.