AMSTERDAM—E kriminalnan grandi hulandes tur ta biba den eksterior, pues unidat di polis ta depende di interkambio ku otro paisnan.

Esaki segun hefe di unidat nashonal polisial Andy Kraag ta splika. El a duna e deklarashonnan den e podcast ‘Scherpshutters’ den kua miembronan di team di aresto i unidatnan anto-terorista ta keda entrevistá. Kraag ta bisa ku kombatimentu di kriminalidat di droga internashonal ta trata di inverti den relashonnan ku servisionan den otro paisnan. Den e interkambio ta haña informashon ku mayoria di e kabesantenan di organisashonnan kriminal hulandes ta den eksterior. Kriminalidat a kambia den kurso di tempu. Asina polis a haña akseso na miones di mensahenan seyá den sistemanan ku kriminalnan ta usa. Ta haña informashon kon e organisashonnan ta funshoná. Tur e gruponan ta internashonal. Mayoria di nan kontaktonan ta korupto, pues ta purba sigui nan aktividatnan. Krimen a bira mas violento segun Kraag. E violensia tabata entre kriminalnan pero awor el a ekstende na otronan, manera siudadanonan i gobièrnu. Violensia ta loke ta mas visibel di e kriminalidat, loke ta duna preokupashon.