HULST—Un hóben di 14 aña a keda detené relashoná ku hinkamentu di un damita (16) den un fiesta di mucha na Hulst.

E insidente a tuma lugá alrededor di 15.15 ayera den un establesimentu di horeka segun polis. segun polis hopi mucha a mira e insidente. Pa e motibu aki a pidi asistensia di Slachtofferhulp. E damita heridá a risibi tratamentu pa su heridanan. No tin informashon di su kondishon. Ora polis a yega na e sitio e sospechoso a hui. El a keda detené despues den su kas. Segun Omroep Zeeland no ta kla kiko e relashon ta entre e víktima i e sospechoso.