OSS—Un hóben di 15 aña a keda heridá den un tiroteo na Oss djasabra anochi i e insidente a keda grabá pa un kámara di un kas den serkania.

Imagennan di e tiroteo ta riba media sosial. E víktima a keda alkansá pa bala alrededor di 22.00. riba imagennan por mira e sospechoso aserka e víktima riba su baiskel i tir’e den lomba. Despues e sospechoso a hui. E menor di edat a kasi lastra huntu ku un otro hoben pa buska yudansa den un supermerkado den e área. El a keda transporta ku ambulans pa un hospital. E bosero polisial no tin informashon di e kondishon di e víktima. E bosero a konfirmá ku tabatin huls riba kaya i ku ta trata di un arma real. E imagennan di e tiroteo kapta riba kamara di un kas ainda ta riba media sosial. Polis ta hasi un apelashon riba tur hende pa no kompartí e imagennan. E área di tiroteo a keda sera djadumingu mainta pa mas investigashon. No ta konosí kiko tabata e motibu di e tiroteo ni si e víktima tabata konose e sospechoso. Ainda e sospechoso ta fugitivo.