Kaso di ladronisia riba Caracasbaaiweg. Segun J.J.L, e no a drenta den e kas aki.

Willemstad,– E hóben J.J.L a skonde alrededor di 4 luna for di outoridatnan debí ku e tabata tin miedu di kai será.

Ayera korte den promé instante porfin a trata e kaso di e hóben J.J.L, nasé na 2004. E kaso a keda posponé basta largu debí ku na momentu ku aksòrs detenshon di e hóben, nunka mas e no a presentá na korte ni na warda di polis. Na ougùstùs 2022 Ministerio Públiko i tambe abogado di J.J.L a bai di akuerdo pa skòrs detenshon di e hóben. Hues a bisa J.J.L ku e mester bai skol, tende di reklasering, akudí na polis ora e keda yamá, e no mag di bin den kontakto ku Husitsia i e mester presentá na korte pa tratamentu di su kaso dia 21 di desèmber 2022. Tambe hues a bisa J.J.L pa probechá demostrá ku e ta riba e bon kaminda paso sigur esaki lo por influensha su desishon dia e kasonan keda tratá 21 di desèmber 2022.

Apesar ku e detenshon di J.J.L tabata di skòrs i e kaso tabata moviendo den e direkshon di bentaha pa e hóben, el a keda detené na warda di polis riba 10 di novèmber riba akusashon di un otro kaso di ladronisia. Despues ku J.J.L su detenshon a bolbe wòrdu di skòrs e hóben a disparsé i e no a presentá na korte riba 21 di desèmber 2022. Komo e hóben no a presentá, polisnan a buska e hóben 4 luna largu. Ta despues ku e J.J.L a drenta bèk den kontakto ku famia. Ta famia dje hóben mes a konvensé pa entregá su mes na polis. Riba 19 di aprel 2023 e hóben a opta pa mèldu su mes bèk na outoridatnan.

Na total, J.J.L ta keda akusá pa 4 kaso di ladronisia. E promé kaso di ladronisia mester a tuma lugá na kaya Catalina riba 12 di mart 2022, e di dos na kaya Disiplina riba 26 di mart 2022 e di tres mester a tuma lugá riba Caracasbaai weg riba 3 di mei 2022. Mas aleu, un di 4 ladronisia a bini aserka kual tabata na Kaya Victoria riba 23 di aprel 2022.

Na ougùstùs 2022 e hóben a atmití di tabata involukrá den dos di e ladronisianan, pero e ladronisia riba Caracasbaai weg i den Kaya Disiplina e hóben ta desmentí. Aunke polisnan a prueba vingerprint riba muraya na Kay Disiplina e hóben, J.J.L a keda desmentí.

Durante tratamentu dje kaso, hues a opta pa honra demanda di fiskal kual tabata un kastigu di 18 luna kaminda 15 luna ta keda kondishonal kitando aresto preventivo. Esaki ta nifiká ku J.J.L lo risibí su libertat imidiato. Tambe hues a imponé ku J.J.L mester risibí guia intensivo di reklasering pa asina sigurá ku e lo keda riba e bon kaminda.