PARIS – Polis franses a detené un hóben e siman aki ku probablemente tabata planiando pa kometé un atake terorista durante e weganan olímpiko na Paris e verano aki.
Segun medionan di komunikashon franses, e hóben di apénas 16 aña a keda detené den kas di su mayornan situá den e pueblo di Alpen, Marignier,
E hóben a intentá na optené materialnan pa un artefakto eksplosivo via Telegram. Riba e servisio di mensahe e hóben a indiká di ke “muri komo un mártir na nòmber di e ‘kalifato’ islámiko”. Pa basta tempu e hóben a keda vigilá pa su pensamentunan radikal. Tin indikashon ku el a hura lealtat na Estado Islámiko.