ROTTERDAM—Den haf di Rotterdam Duana a detené kuater sospechoso ku tabata saka kokaina for di konteiner, inkluso dos hóben di 14, 15 aña.

Ta trata di tres belga di 14, 15 i 19 aña i un hoben (1) di Landsmeer. E sospechosonan a keda detené riba Maasvlakte. E hobennan ku a saka droga for di haf di Rotterdam ta un problema grandi. Den prome 6 lunanan di 2023 Duana a gara 217 sospechoso kompará ku 251 den henter 2022. Sifranan di henter 2023 lo keda publika fin di luna. E sospechosonan ta promedio mas yong. Di e 200 sospechosonan den prome mitar di 2023, 63% tabata mas yong ku 23 aña. Den 2022 tabata 45%. E porsentahe di sospechosonan a subi di 8 pa 15%. Mayoria biaha ta trata di kokaina. Segun polis e grupo mas grandi ta entre 18 i 23 aña, pero tin hobennan di 14 aña tambe. No ta nada nobo ku tin belganan tambe, meskos ku tin hulandesnan sospechoso den haf Antwerpen. Segun OM nan ta bini di famianan vulnerabel ku debe i otronan di sirkulo kriminal. Den 2022 duana a interseptá 46.789 kilo kokaina den haf Rotterdam huntu ku un team di FIOD, polis i OM.