Willemstad—  Klein St Michiel tabata senario unda a tuma lugá un aksidente ku un hobensitu riba un baiskel mester a kore bai dal kontra di un SUV.

Polis i ambulans a keda dirigí pa Klein St Michiel pa un aksidente entre di un SUV i un baiskel. Na e sitio polis a bin topa ku e hobensitu envolví den e aksidente kual a deklará ku e la bin pèrdè kontròl riba e baiskel ku e tabata manehá i a bal dal den banda di e SUV ku nèt na e momento ei tabata pasando. Esaki a pone ku e hobensitu a sufri un kaida pero a keda di bai su dòkter di kas pa opservashon. A pidi presensia di Forensys pa asina por a registrá e aksidente.