ZWOLLE—Den un tiroteo na Zwolle djaweps merdia un hòmber di 38 aña a pèrdè su bida. Ta trata di Danny Nijland di Zwolle.

Polis ta buskando e sospechoso. E tiroteo a tuma lugá 15.30 i e víktima ta habitante di un apartamento riba piso 6 segun testigunan. E tiroteo a tuma laga patras di e edifisio. Despues di tende tirunan, habitantenan a hinka nan yunan paden. E víktima a keda transporta pa hospital kaminda el a bin fayesé. Den yanuari polis a haña un plantashon chiki di mariwana den kas di e víktima. Agentenan a yega masalmente na e sitio di insidente fatal pa hasi investigashon. Agentenan a buska den e area huntu ku kachonan spesial, segun media. Polis a blòkia un outo den Bachlaan pero a resulta ku e persona no ta envolví den e insidente. Den oranan di anochi a yega un unidat DP di polis huntu ku un truk mobil pa investigashon forensiko.