LANDGRAAF—Outoridatnan polisial a konfirmá ku a haña un morto den un frizer den un kas na Landgraaf.

Nan ta kere ku ta trata di un morto natural. E persona ku a fayesé ta habitante di e kas. E otro habitante ta un sospechoso pero no a keda detené. Polis no ta na altura ainda kuantu tempu e persona a keda den e frizer, ta hasiendo investigashon. tambe ta investigando dikon e persona morto tabata den frizer di kas. Segun De Limburger e sospechoso ta un hòmber di 82 aña. E persona ku a fayesé ta su tata. Fuentenan ta bisa e korant ku posiblemente ta trata di años, i no luna òf siman ku e persona tabata den e frizer. Posiblemente pasobra nan tin hopi tempu sin mire. Polis no por konfirmá e detaye aki. Segun informe adishonal, e yu hòmber ta keda sospechá di a pone e tata den frizer, pero no a keda detené. Polis no kier a divulgá e relashon entre e habitantenan, pero 1Limburg ta bisa ku ta trata di un tata ku un yu. E sospechoso a bisa 1Limburg ku su tata a fayesé 1 aña mei pasá na edat di 101. E no tabata kier pèrdè e tata, p’esei el a pone den frizer pa e por papia kune. E kaso a keda deskubrí danki na e dòkter di kas di e fayesido, segun De Limburger. E tabata preokupá ku su salu i a atvertí polis. Polis a konfirmá ku a bai na e kas despues di un melding pero no a bisa ken a hasi esaki.