E hòmber a pasa 48 aña, un luna i 18 dia den prizòn.
ESTADOS UNIDOS – Un hòmber di 71 aña di edat a keda deklará inosente na e estado di Oklahoma, Estádos Unídos, despues di a pasa serka di 50 aña den prizòn pa un krímen ku e no a kometé.
Glynn Simmons, afroamerikano, ta e persona ku mas tempu a pasa na henter e prizòn promé ku el a keda eksonerá den historia di Estádos Unídos.
Simmons a keda liberá na yüli último, despues di a pasa un total di 48 aña, un luna i 18 dia den prizòn.
Simmons i otro hòmber, Don Roberts a keda sentensiá na morto na 1975, pa e supuesto asesinato un aña promé di un trahadó di un lugá di bende alkohòl. Esaki den un kaso di ladronisia na Edmond, Oklahoma.
Simmons i Roberts a keda kondená apart ku base na un testimonio di un hóben kliente di e tienda, kende a risibí un herida di bala den kabes i a sa di sobrebibí.
Esaki a señalá ku e hòmber nan, den un fila di sospechoso, tabata esun nan responsabel. Tabata un investigashon despues ku a pone den duda, e konfiabilidat di rekonosementu di parti di e muhé. Ámbos hòmber inkluso a indiká di no tabata na Oklahoma na momentu di e asesinato.
E wes federal Amy Palumbo, a revoká kondena di Simmons na yüli i a deklar’é inosente den ora nan di djamars tras di lomba.