E personal di vigilansha a bin topa ku e tipo riba e tereno di Parke industrial.

Willemstad— Personal di vigilansha di e parke industrial na Brievengat a logra di detené un hòmber kual ta wòrdu sospecha di tabata hasi su mes kulpabel na akto di ladronisia.

Ayera den oranan di mèrdia e personal di vigilansha di Parke Industrial na Brievengat a pidi asistensia di polis pa un sospechoso ku nan tabatin detené ku a logra di subi e tereno sin tin pèrmit. Ora ku e personal di vigilansha a  bai pa atendé ku e sospechoso esaki mester a burdugu bastante.  A bin resultá ku ya pa un ratu tabatin bista riba e tipo ku tapara drumi den serkania di un vehíkulo ku ta stashoná riba e lugá pa stashoná outo di e trahadónan di parke industrial. A tuma nota ku e tipo aki tabata tratando pa los e bùmper di e vehíkulo  pa kual mesora a bai atendé kuné i a logra di detené. Polis ku a bini na e sitio a tuma e sospechoso for di e personal di vigilansha i a bai warda kuné pa mas investigashon.