HAZELDONK—Un hòmber a keda fatalmente hinka riba parkeo di Hazeldonk na Breda ayera nochi, segun outoridatnan polisial.

Polis ta sospechá ku ta trata di un krímen. Segun Omroep Brabant a drenta un melding 19.30 ku un hende tabata sangra profusamente riba un parkeo na un pompstashon den direkshon Breda. Na e sitio mes agentenan a bin haña un hòmber morto na yegada. Reanimashon ya no a yuda mas, segun polis di Zeeland-West-Brabant. segun prensa regional tin hopi truk ta parker na e sitio i algun shofur ta pasa anochi na e sitio di parkeo pa truknan. Polis ta wak den e area si tin imagennan di kamara pa wak kiko presis a pasa. Outoridatnan a sera e area pa investigashon. Esaki ta konta tambe pa e entradanan pa e parkeo. Shofurnan riba e parkeo a keda interoga pa polis.