UTRECHT—Ekonomistanan di ABN AMRO ta pronostiká ku negoshinan den horeka lo konfrontá tempu difisil ku forsa di kompra.

Ademas, otro desaroyonan ku ta hunga un ròl ta kuentanan haltu di energia i inflashon haltu. Tur esaki ta soru ku e volumen di restorantnan lo kontrae ku 2% den 2023 i mas negoshi lo bai bankarota. Hasta pa restorantnan ‘fastfood’ ku a sigui bai bon den e krisis finansiero di 2009, e pronostikonan no ta masha alentador segun ABN. Pa e aña aki e volumen lo subi ku 35% danki na rekuperashon di periodonan di lockdown, ku horeka a pasa den tempunan difisil. Ku esaki e volumen di e sektor ta na novel di temporada promé ku e krisis di corona, segun ekspertonan. No ta solamente e konsumidó ku ta kome menos afó ta un problema, pero tambe horeka mes ku oumento di preisnan di produkto i oumento di tarifanan di utilidat, banda di esaki e merkado laboral skars ta hasi difisil pa haña sufisiente personal. E futuro di hotelnan, musea i sine ta mas mihó segun ABN. Ta spera un kresementu leve den e sektornan otro aña.