UTRECHT—Sektor turistiko na Hulanda ta rekuperá kompletamente e aña aki di e krísis di Corona.

No ta solamente hulandesnan pero tambe aleman, belga i fransesnan ta plania pa biaha den 2023, segun ofisina di turismo hulandes NBTC. 4 di 5 persona enkuestá tin plan di bai ku vakashon. Despues di 3 aña di corona turismo di eksterior lo ta bek na nivel di 2019 segun e ofisina. E kantidat di hendenan ku ta bai ku vakashon den propio pais tambe lo oumentá, tambe pasobra ta mas barata. 25% di esnan enkuesta ya a reserve vakashon. Den Hulanda hende ta skohe pa un lugá trankil i akomodashon ku kondishonnan fleksibel, segun NBTC. Di otro paisnan Oropeo tambe nan ta bishita Hulanda. E ofisina ta pronostiká 6,4 mion aleman, 8% mas ku 2022 i mas ku den 2019, promé ku corona. E intenshon di vakashon te haltu pero inflashon, tarifa di energia, corona ta hasi difísil pa pronostiká si hendenan lo kumpli ku nan plannan di vakashon.