Último tempu debí na su edat i un poko kebrante di salu Bèbè a hala atras un poko, pero ketu bai e tabata konsehá otro sindikalistanan mas hóben.

Willemstad,– E konosido eks sindikalista i hòmber importante den mundu di sindikato Hubert “Bèbè” Rojer a bai sosegá.

Hubert :”Bèbè” Rojer a nase i biba den mundu nobo. Komo trahadó den haf e tabata un di  e figuranan importante huntu ku  Wilson “Papa” Godett den e lucha pa trahadónan den klep(haf) . Asina su karera komo sindikalista a inisiá. Dia di e lantamentu di 30 di mei e tabata sam sam ku Papa den e lucha ku a start na Pos V i a bin kaba ku kimamentu di Kòrsou. 

Huntu ku papa e tabata un di e proménan ku a lanta e sindikato den haf. Despues di un trayektorio largu den mundu di sindikalista el a bin terminá komo fundadó i presidente di e bònt di trahadónan na Selikor BTG.

Último tempu debí na su edat i un poko kebrante di salu el a hala atras un poko, pero ketu bai e tabata konsehá otro sindikalistanan mas hóben i de bes en kuando e tabata sali den publisidat dunando su opinion riba tópikonan interesante ku ta toka trahadó.  Bèbè danki pa tur loke bo a hasi pa Kòrsou en general i pa  e mundu sindikal en partikular. Sosegá na pas.