DEN HAAG—Den 2018 Hulanda a ninga di tuma e pashent sikiatriko Jamel Lomp,  e sospechoso ku a hinka un trahadó di AH mata.

Asina diferente fuente ta konfirmá. E desishon pa ninga e petishon di Kòrsou a keda tuma pa eks-minister Sander Dekker. Kondenan di tratamentu sikiatriko obligatorio impone pa huesnan den Karibe-hulandes por keda traslada pa Hulanda, pero no tur biaha. Den e dokumentonan ta indiká ku relashoná ku e gastunan envolví a deshasi di e idea pa tratamentu na Hulanda. Lomp a keda den sekshon sikiatriko di prizoòn. Su kondishon tin e diagnosis di sizofrenia, paranoia, komportashon menasante i agresivo. tòg a termina su tratamento dos aña despues bou di kondishonnan ku e ta sigui instrukshonnan di spesialistanan i tuma inyekshon ku medikamento periodikamente.

Pa sèptember L tabata na Hulanda atrobe kaminda el a keda detené diferente biaha den diferente siudat. Dia 9 yüni e tabata den korte di Rotterdam relashoná ku menasa na empleadonan na Zwijndrecht i robo ku menasa. Korte di Rotterdam no tabata na altura ku L a haña un medida di korte na Kòrsou ni tampoko ku el a keda kondena na Inglatera. Esaki no tabata riba su antesedente ku OM a entrega. Ayera korte di Den Haag a prolonga su detenshon ku dos siman. E ta keda sospechá di asesinato òf homisidio segun OM. El a hinka un trahadó (36) di Albert Heijn djamars.