DEN HAAG—Hulanda mester paga un kontribushon mas haltu di 2021 na Union Oropeo ku loke a kalkulá.

Segun un kalkulashon ta trata di 320 mion euro èkstra segun minister demishonario Sigrid Kaag (Finansa) a bisa Tweede Kamer. Ainda no ta sigur kiko e suma presis lo ta. E kalkulashon definitivo lo ta kla den 2024. Ta trata di ekstra kontribushon pasobra e entrada nashonal bruto di Hulanda a resultá mas di loke a kalkulá. E entrada nashonal ta determina kuantu plaka un pais miembro di Union Oropeo mester pagan a Brussel. Si e entrada ta mas ku e kalkulashon, mester paga ekstra. Si ta menos ta haña sen bek. e echo ku e entrada nashonal a resultá mas haltu ta pasobra e pronostikonan durante e krisis di corona tabata mas kouteloso.