Haltu: un gráfiko ta mustra ku sin finansiamentu, gobièrnu lo no por kubri su gastunan durante próksimo 6 luna kuminsando for di final di Yüni próksimo.

Punda—Hunta di Minister di Reino, abase di un konseho di Komishon Supervishon Finansiero a pone un suma di 168 mion florin disponibel pa Kòrsou. E disponibilidat ta nifiká ku Kòrsou lo risibi finansiamentu pa e di 3 kuartal di 2021, solamente si kumplimentu tuma lugá. Esei ta un mensahe kla ku Gobièrnu di “Reino” a manda splika Raymond Knops, sekretario di estado pa Relashonnan den Reino.

E desishon di djabièrnè último tin hopi konsekuensha serio pa ekonomia i finansas públiko na Kòrsou. Manera Vigilante a publiká ampliamente, entre Yüni 2021 pa Desèmber 2021, gobièrnu di Kòrsou ta spera un défisit na likides di 536 mion florin. Sin finansiamentu di Hulanda, hopi gastu di gobièrnu entrante próksimo 6 luna lo no wòrdu kubrí. Durante e próksimo 6 luna, konforme pronóstikonan di Cft i di Departamentu di Finansas, e gastunan di gobièrnu ta hopi mas haltu ku lokual lo generá na entrada.