Mundo Nobo— Djamars 11 di yüli 2023 alrededor di 22.15’or, Sentral di polis a dirigí un unidat na un vèlt di bala riba Piscaderaweg pa un kaso di maltrato. Na yegada di e unidat, personanan ku tabata na e sitio a deklará na polis ku durante di un wega amistoso a start un diskushon entre algun hòmber.

Despues a kuminsá un bringamente entre ámbos partido i un hòmber a risibí leshonnan grave na vários parti di su di su kurpa. Ku ambulans di FKA a transportá e víktima den un situashon di atenshon pa sala di emergensia di C.M.C. Na e sítio polis a detené e hòmbernan sospechoso: S.F.B. di 43 aña di edat. A.C.B. di 37 aña di edat. C.C.B. di 20 aña di edat. G.C. di 39 aña di edat, tur kuater nase na Kòrsou. A presentá e sospechosonan dilanti di un fiskal ouksiliar ku a ordená nan enkarselamentu pendiente di mas investigashon.