Banko Sentral

Skalo- E oumento dramátiko den inflashon a laga bankonan sentral grandi  na mundu oumentá tasa di interes, loke a resultá den un aña brutal pa invershonistanan. Na Kòrsou lo no tin un diferensha. Inflashon ta bira e opstákulo  mas difísil pa Kòrsou surpasá durante 2023.

Anke un merkado di konsumo floho na Kòrsou a okashoná ku yanüari a pone diferente kompania sera porta, CBCS ta spera ku e problemanan mas pió ta tras di lomba. E oumento adishonal den tasanan di interes durante 2023 lo ta mas moderá kompará ku 2022, limitando pèrdidanan den e portafolionan eksistente. E ophetivo primario di CBCS komo banko sentral no ta pa hasi ganashi. E ta pa garantisá un tasa di kambio fiho entre e florin i dòler Merikano. Pa esei, CBCS  tin komo nan meta pa preservá likides di e dòler merikano apesar ku e por afektá ganashi a korto plaso. Esaki por ta e mihó kontribushon na sostenibilidat i prosperidat na Kòrsou i Sint Maarten. E evaluashonnan di fin di aña a mustra klaramente  2022 tabata un aña di retrasonan grandi. E panorama di merkado finansiero no tabata diferente. Nivel di preis a subi  no a kousa estrago den pòtmòni  di hopi hende.

Kòrsou su ekonomia tambe ta keda influensha pa desaroyonan internashonal. Segun Financial Times, akshon i merkado di bono a pèrdè mas di $30 mil miar durante  2022. Irónikamente, bankonan sentral ta e víktimanan primario di nan propio akshon – polítika monetario i di tasa di kambio ta rekerí invershon den seguridatnan di ingreso fiho (bon). E preis di e bononan aki ta baha ora tasanan di interes ta subi, kreando pèrdida di merkado riba e balans di bankonan sentral. E motibu ta ku sin un deskuento e bono lo no ta kompetitivo mas. Invershonistanan lo simplemente kumpra otro aktivonan/akshon di durashon similar ku lo duna e tasa di interes di merkado mas haltu. Pues, kon nos a yega aki i kiko esaki ta nifiká pa futuro solvabilidat i stabilidat di bankonan sentral i partikularmente, CBCS? Despues di mas ku un dékada di tasanan di interes bahando, e fin di plaka barata ta parse di yega te aki. Te hasta bono Hapones no ta mira rendimentu negativo mas for di siman pasá i destaho di bono riba debe di 10 aña ta rendi 2.59% aktualmente

Den e lunanan resien, vários banko sentral a anunsiá  pèrdida grandi komo resultado di e kambio repentino den posishon di polítika monetario. Estádos Unídos, Reino Unido, Suesia, Bèlgika, Oustralia, Suisa i Hulanda ta esunnan ku a hasi esaki i ta spera ku mas lo sigui. Banko Sentral di Hulanda tabata un di e promé pa indiká na Sèptèmber aña pasá ku nan tabata proyektá pèrdida di 9 miar Euro. Pa CBCS, e subida rápido den tasanan di interes a laga pèrdida den e portafolio di ingreso fiho. E portafolio total di ingreso fiho ta rònt di NAf 2,3 miar. E resultado di invershon negativo, pa un di dos aña, por keda kompensá solamente dor di un resultado positivo den balor nominal dor di un transakshon simultaneo pa kumpra i bende oro (manteniendo e kantidat físiko konstante) pa evitá kontribushon di kapital di gobièrnu den e situashonnan desafiante.