UTRECHT—Pa e problemanan ku kompensashon tin solamente un solushon: eliminá e sistema kompleto, segun inspektor general Bart Snels.

E sistema ta pidi lo imposibel di siudadanonan. Snels ta inspektor general di belasting, kompensashon i duana. Tur aña 150.000 hogaer tin problemanan finansiero pasobra nan mester paga kompensashon bek di kuido, hur ets. Segun e inspektor e sistema di kompensashon/benefisionan ta afekta seguridat sosial di siudadanonan. Ta pidi lo imposibel di hendenan i nos a pone tur e risikonan finansiero serka e siudadanonan segun Snels. Si instanshanan di gobièrnu hasi fayo, siudadanonan mes mester tuma akshon pa salbaguardia nan benefisionan. E inspector mes a spanta ku e sistema ta traha asina. Ademas, nan mester duna informashon di nan situashon promé pa haña un kompensashon adekua. Divorsio, retiro òf morto por tin influensia riba e haltura di e benefisio. Si siudadanonan duna un kambio den nan entrada of konstelashon di nan famia lat, nan ta kore risiko di mester paga bek. Snels ta mira kuantu biaha esaki ta bai robes. Tur dia di kasonan di paga bek pasobra no a duna kambio na tempu. E inspektor a papia den tur siudat ku konseheronan sosial, trhadonan sosial riba tereno di leinan i reglanan. Mayoria kaso ta trata di benefisionan. For di 2022, Inspekshon di belasting, benefisionan i Duana tin un inspektor general independiente. Snels ta supervise entre otro e dimenshon humano. A lanta e inspekshon despues di eskandalo di kompensashonnan. Gabinete ta debati pa años kaba riba e sistema di benefisionan. Den 2025 ta eliminá e supsidio pa kuido di yu (kresh). Mayoria den politika kier eliminá benefisionan, pero te ainda teknikamente e no ta posibel.