Hotèl den Skalo unda e insidente a tuma lugá.

Willemstad— Polis i tambe ambulans a keda dirigí na un hotèl den Skalo pa un hòmber ku a kai i leshoná su mes.

Tabata den oranan di mèrdia ku a pidi asistensia di ambulans na e hotèl Ritz den Skalo pa un aksidente ku a surgi di kual un persona mester a lástima su mes.  Na yegada di Polisnan di Punda nan a bin topa ku un hòmber na suela kual tabata kehando di basta doló. Tabata trata aki di un instalado di erko ku tabata hasiendo su trabou instalando un erko na e hotèl.

https://fb.watch/pXKe5_NC42/ (Klik pa wak e vidio)

Algu mester a bai robes kual a pone ku e instalado aki mester a sufri un kaida kual a pone ku e la leshoná su mes.  Debí na e kaida e víktima a sufri leshon na su brasa i tambe lomba. Personal di ambulans ku e presentá na e sitio a duna e víktima e promé asistensia pa despues a transporte pa CMC pa asina e por haña asistensia médiko. A pidi presensia di inspekshon di seguridat pa hasi investigashon ta kon bini e kaida a tuma lugá i ku tambe e trahadó a tuma e prekoushonnan nesesario.