Minister Cijntje a bisa bon kla ku ta bai duna invershonistanan e plasa na Otrobanda pa nan desaroyá esaki pero ku e mesun meta ku e tabatin semper.

Punda,– Segun Minister di Ekonomia Ruisandro Cijntje gobièrnu ta papiando ku invershonistanan lokal pa tuma Marshe di Otrobanda over.

E ta bisa ku ta papiando ku hendenan ku ya a mustra interes i ku awor tin un partido di hendenan lokal tambe ku tin un vishon ku ta kuadra ku e plan di gobièrnu pues pa e Marshe bira bek un plasa kaminda hendenan por bin bende nan kosechanan lokal i tambe hür lokal nan ku empresario nan mikro. Pues minister ta bisa ku e ta den deliberashon pa wak kon ta bai sigui kuné. “Pues mi ta papiando pa por yega na renobashon di hinter e parti ei i organisá hinter e lokal ku tin einan i krea e plasa bek ku tabatin na Otrobanda”, asina Minister Cijntje a bisa.

E estado ku e ta aden aktualmente no por hasi nada kuné, pues mester hasi invershon grandi, pero mirando e desaroyonan den Otrobanda, mester wak si e marshe ta bai kuadra einan i pues a hasi esaki i e plannan tei pa renobá e plasa.