Yuda: Jacinta den orashon fuerte promé di drenta SDKK.

Koraal Specht—Eks minister i miembro di parlamento, Jacinta Constancia no ta bai sinta mas ku 9 luna. Despues di kita su deskuentonan riba su kastigu, e eks mandatario pa aprel 2024 ta afó i despues di un periodo, por drenta arena polítiko bek.

E sistema kalkulativo di deskuento ta basá riba e periodo den su aresto preventivo, e periodo ku e tin derechi di Sali ku banchi i finalmente e deskuento ku 1/3 parti for di e kastigu konfirmá den kortenan penal. Jacinta durante su investigashon a sinta un 1 luna den aresto preventivo promé ku su abogadonan Peppie i Athena Sulvaran a logra su libertat.

E aresto preventivo awor ta na su benefisio pasobra e ta wòrdu deskontá for di e periodo ku e mester sinta na SDKK. Aparte di su aresto preventivo, Jacinta ku bon komportashon i su posishon den pasado komo mandatario tin chèns grandi di por Sali ku banchi tempran. Esei ta 15% for di e kastigu konfirmá ku ta bira 15% di 20 luna pa deskontá 3 luna. I finalmente e ta bini na remarke pa 33% deskuento rutinario for di su kastigu.

Esei ta yega na 9 luna di kastigu na SDDK i pa aprel 2024 e ta afó. E eks mandatario tabatin hopi krítika riba maneho di Ministerio Públiko alegando froudenan mionario na BZV si a risibi oportunidat pa paga bek, miéntras den su kaso esei no tabata posibel. Segun Jacinta, Ministerio Públiko konsientemente a buska su persona pa pèrsigui.