Djabièrnè: rei largu djabièrnè na Hato serka Jet Air.
Hato– Jet Air, e kompania lokal di transporte aéreo, ta luchando pa evitá mas retraso posibel. Wikènt tras di lomba tabatin mas problema.
Jet Air, for di djaweps siman pasá a konfrontá un problema riba e ruta pa St.Maarten, unda e kompania mester a kanselá buelo. E pasaheronan riba buelo pa djaweps, mester a bini e siguiente dia pero, mester a warda e kompania aloká tur pasahero di djabièrnè promé. Pa por a logra solushoná e problema, Jet Air a risibí koperashon di algun pasahero kendenan boluntariamente a skohe pa keda abou.
E kompania aña pasá a anunsiá retraso den entrega di un avion di “wet lease”. Ta trata di e avion ATR 42-300 anunsiá pa yega 1 di Novèmber último. Pero lástimamente esei no tabata e kaso pasobra segun Jet Air e kompania hürdo di e avion, no ta logra entregá na tempu. E kompania ta desepshoná riba e situashon, pasobra tur kos tabata prepará pa kuminsá bula e rutanan di Aruba, Boneiru i Venezuela den e ATR. Jet Air a ekstendé nan diskulpa pa e inkumbenensia okashoná i a sigui den kontakto ku e kompania hùrdó.
Entretantu e kompania ta luchando pa sigui mantené nan prestashon na tempu, pendiente e desishon riba un avion adishonal. Djabièrnè a logra solushoná a problema unda e pasaheronan tur a logra yega St. Maarten, anke algun a yega un dia despues.