AMSTERDAM—Kadenan di supermerkado Jumbo a konstatá mas robo den 2023. Segun e supermerkado 1% di ganashi ta bai pèrdi na ladronisia, ku ta 100 mion euro.

Direktor Veen ta preokupá: e kantidat di ladronisia konstatá a oumentá ku 60%. Nos ta papia di sientos di kaso ku ta konosí pa siman. E direktor ta enfatisá ku 1% di e totalidat ta hopi. Si por hinka e plaka aki den baha presinan di produkto, e klientenan por benefisia. Tambe tin preokupashonnan riba situashonnan insigur ku personal i klientenan ta konfrontá. E siman aki ta test algun metodo nobo pa preveni ladronisia. E kompania ta bai tuma ekstra medidanan manera kamara. E produktonan ku mas hende ta horta ta karni, galiña, piska kofi I kosmetika. Jumbo a presentás u sifranan ayera. E ganashi a subi na 11 miar euro, un oumento di 7,3%. E kresementu ta keda tras kompara ku otro supermerkadonan. Jumbo tin 21% den merkado. Tin mas supermerkado ku ta keda konfrontá ku ladronisia.