WILLEMSTAD,—-Ketu bai tin moveshon nan ta tuma lugá den farándula aki na Kòrsou. Ta asina ku for di djadumingu den ora nan di anochi via di un fuente Vigilante Farándula a keda pone na altura ku tin un moveshon ta tumando lugá den seno di agrupashon musikal “Zudup Hopi Forsa”.

Pero mes un fuente a duna di konosé ku wanta un ratu ku e informashon paso ainda gerente di “Zudup Hopi Forsa” mester bai partisipá e moveshon na e dicho músiko. Si ta asina ku fuente for di djadumingu tras di lomba a bisa Vigilante Farándula ku e moveshon ta drei rondó di e legendario basista “kabuya Bas”.

Tabata ayera mèrdia ku fuente a drenta den kontakto ku Vigilante Farándula, kaminda ku e la bisa Vigilante Farándula ‘awor si bo por los e informashon numa paso poko ratu pasa e legendario basista “kabuya” a keda pone na altura ku e relashon di trabou den “Zudup Hopi Forsa” a terminá.

Ta asina ku sin a pensa dos bes Vigilante Farándula a drenta den kontakto ku Marlon “Kabuya Bas”Eisden i a bisé di e informashon risibí. “Kabuya” di su parti mes ora a reakshon i bisa “O ta manera ku e notisia nan ta yega serka ku promé ku doño di kurpa mes,ta algun minüt pasa mi a kaba di papia na telefon di e asuntu aki i ya bo ta na altura di esaki kaba,ta kon ta yama asina aki. Ami no tin masha palabra pa bisabu pero den mes un rosea mi ta konfirmá na bo persona ku enbèrdat mi no ta forma parti mas di “Hopi Forsa”,mas mi no por bisabu paso ami ta hende di poko palabra”.