E situashon aki a keda premirá pa outoridatnan dominikano.

PORT-AU-PRINCE – Fuerte yobidanan registrá serka di e sitio unda e riu Masacre ta situá, na Loma de Cabrera, a kousa ku e kanal konstruí pa haitianonan na Juana Mendez, na frontera ku Repúblika Dominikana, a kibra.

Te ainda, outoridatnan haitiano no a brinda ningun informashon detayá relashoná ku e estado di infrastruktura afektá. Miéntras ku e direktor di operashonnan di e Instituto Nashonal di Rekursonan Hidróuliko a ekspresá su preokupashon pa ku e situashon.

Esaki a señalá ku ubikashon di  kanal serka di e riu ta representá un peliger grave i esaki ta faboresé e tipo di situashonnan aki, loke ku eventualmente por tambe komprometé e stabilidat di e struktura.

Na luna di òktober tras di lomba, e gobièrnu dominikano a konsiderá ku e konstrukshon di e kanal di e banda haitiano, pa kue awanan na e riu na frontera, lo kousa un katástrofe pa ámbos banda di frontera.

Outoridatnan dominikano di nan banda a indiká ku e katástrofe aki por resultá den un oumento di awanan di e riu. Ademas a papia tambe di e tema den Senado di Repúblika Dominikana pa asina splika e krísis surgí ku Haiti, den konstrukshon di e kanal.