Polis huntu ku reshèrshi kanando ta buska hùls.

Willemstad—-  Polis mester a bai den e bario di Heintje Kool pa un kantidat di huls ku a keda deskubrí riba kaminda nèt dilanti di un kas.

Tabata den dia ku habitantenan di un kas den Heintje Kool riba un pida seru a tuma nota di buraku straño na nan porta di kas. Mesora a kuminsá tira bista debí ku esaki tabata parse buraku di bala. A sali for di e kura pafó i a wak unda a bin deskubrí vários huls. Loke ku a hala atenshon ta ku e hulsnan aki tabata grandi esta stail di  hulsnan ku ta wòrdu usa pa armanan den temporada di guera. Siudadanonan ku a pasa den e aria i a tuma nota di e hulsnan a splika ku e hulsnan tabata meskos ku e hulsnan ku ta wòrdu usa den e arma Soviétiko kual ta AK-47. Mesora a yama polis ku a presentá i a tuma nota di e hulsnan. A logra di konta nan i nan a yega na un total di 11 huls. Polis a pidi asistensia di e tim Forensiko di Kuerpo Polisial pa asina  nan por sigui ku e investigashon. A logra di marka kada un di e hulsnan aki pa despues a saka esakinan su potrèt pa nan final por a konfiská nan. Ta investigando kiko por a bai robes den e aria ei unda a pasa i hasi uso di un arma di kaliber basta potente.