Papa Francisco, su karta publiká na desèmber a provoká hopi stòf.

ROMA – Un grupo di 90 katóliko a publiká un karta den kua ta pidi pa Iglesia Katóliko, oponé nan mes na e dokumento aprobá pa Papa Francisco, den kua e ta aprobá pa pastor nan  bendishoná matrimonio di e mesun sekso.

Den e karta aki, e katóliko nan ta indiká ku e informashon aki, revelá dia 18 desèmber i firmá pa Papa, ta nifiká ku mester bendishoná un relashon di piká. Esaki nan ademas a indiká den e karta, ku kontrali, esaki mester keda prohibí inmediatamente.

Segun e dokumento firmá pa Papa luna pasá, esaki ta indiká ku mester bendishoná tur persona ku ta konsiderá i pensa di kasa, inkluyendo esun nan di e mesun sekso. Esaki a sòru pa kontroversia serio na nivel mundial den e mundu katóliko.

Papa Francisco di su banda, den oranan di siman pasá, a indiká ku e loke ku el a firma ta nifiká un bendishon pa e persona nan.