Nieuwe Haven,– Kaso di e hòmber N.T a wòrdu posponé te ku 2 di mei 2024 debí ku korte no a kaba di buta e veredikto por eskrito.

Segun e huesnan den apelashon, un veredikto riba papel ta importante den e kaso aki mirando ku e akusado a keda deklará parsialmente liber. Ademas, un veredikto por eskrito ta importante tambe pa e jurisprudensia. Aktualmente korte a indiká ku nan ta posponé e kaso te ku 2 di mei pendiente publikashon di e veredikto por eskrito.

Den práktika ora korte di promé instante dikta un veredikto, esaki mester wòrdu publiká tambe por eskrito. Pero sa sosodé ku e veredikto no ta wòrdu publiká por eskrito. Den e kaso aki, e kaso mester a wòrdu posponé komo ku e veredikto no a wòrdu publiká.