David  Rodriquez Paternostro biba na Bonamweg 33 ku a risibi 5 aña.

Nieuwe Haven—Korte Penal den Promé Instansha mediante hues mr vd Groen a yega na un veredikto pa tres hòmber kendenan a atraká por lo ménos 6 turista, durante dos akto. Ta trata di kasonan ku a tuma lugá den área di hotèl i restorant riba Penstraat riba 26 i 28 di febrüari 2023.

Ta trata di Andruw Ortiz Perez bibá riba Amazoneweg, kende a risibi 4 aña di kastigu,  Alejandro David  Rodriquez Paternostro biba na Bonamweg 33 ku a risibi 5 aña i finalmente i Alan David Fernandez Valez bibá na  Kaya Dodo Palm a risibi 5 aña tambe.  Ta trata di dos hóben i un hòmber un tiki mas bieu ku e dos hóbennan.  Paternostro tin 18 aña i Fernandez Valez tin 19 aña. Ortiz Perez tin 29 aña. E grupo di hóben kriminal a wòrdu kondena pa uza armanan skerpi pa atraká nan víktimanan. Riba 26 di febrüari den oranan di anochi, nan tres den un Vitz kòrá nana atraká dos turista femenino estado amerikano, di fam Kaler i Sterchele. Riba 28 di febrüari, dos dia despues, Paternostro i Fernandez Valez a bai bek i atraká kuater turista femenino di Hulanda. Tabata trata di un wela, dos nietu i un mama, kende nan dos atraká.

For di Kaler i Sterchele e grupo a logra kita 2 Iphone 11 i 12 mas 280 dòler estado unidense. E dos I phone nan a keda bendí na e hòmber Sanchez Castro.  For di e famia Kroonberg, e dos otro akusadonan a kita un tas Louis Vuitton. Den e tas tabatin 280 dòler estado unidense i tambe 250 euro. Despues di ámbos atrako, e hóben atrakadónan a kore bai den un Vitz kòrá.

Durante e tratamentu, tur tres akusado a atmití nan kulpabilidat. Fiskal di Ministerio, a splika korte ku por komprondé ku den e kaso aki ta trata di hóbennan. Pero, na Kòrsou no tin resosialisashon. Esei ta nifiká ku mester deportá nan. Pero promé ku deportá, nan mester sinta kastigu. No tin alternativa pa apliká un kastigu di adolesente segun e fiskal. Durante su rekisitorio e la apuntá ku bo no por kere ku bo ta yega Kòrsou, sin dokumento i kometé un akto asina. E fiskal a demanda un kastigu di 4 aña pa Ortiz Perez, 6 aña pa Paternostro i tambe pa Fernandez Valez. Hues vd Groen a mantené e demanda di fiskal pero kita 1 aña  for di Valez i Paternostro.