Vehíkulo tin di desviá pa evitá di kai den e buraku hundu.

Montaña—- Kayanan di Kòrsou ta tur na buraku ku ta kousa basta desgusto serka outomobilistanan ku ta dal kibra tayer i òf otro partinan na nan vehíkulo.

Despues ku áwaseru a kai bastante riba nos isla riba kamindanan un kantidat di burakunan a habri.  Un di e kaminda nan ta  Cadushistraat  unda  e kaminda ta konsistí di mas buraku ku asfalt mes.  Kualke deskuido i òf falta di atenshon na tráfiko ta pone ku vehíkulonan ta bai resultá den e buraku hundu nan aki ku tur e konsekuensha ku esaki por trese kuné. E instansha konserní den e kaso aki di VVRP mester laga kualke kontratista mas lihé pa kuminsá sera e burakunan aki pa trata di trese poko alivio den tráfiko pa e outomobilistanan.