Partido KEM ta spera, ku ta aseptá, sigui su sugerensia i delantá ta gradisí pa esaki.

Willemstad—-Gobièrnu di Kòrsou a duna dianan djaweps 18 i djabièrnè 19 di mei liber, basta ku servisio ta permití liber na su empleadonan.

Kompanianan anónimo di gobièrnu tambe ta sigui e anunsio di gobièrnu di Kòrsou, konsekuentemente, nan ta regresá trabou te djaluna 22 di mei próksimo.

Partido KEM(Kòrsou Esun Mihó) den e kuadro aki, públikamente ta aserká kompanianan, ku nan servisio ta vital pa pueblo, spesífikamente Aqualectra, pa no kòrta awa i koriente di esnan ku tin kuenta habri den e siman(16 mei – 22 mei 2023) aki. Esaki ta un tipo di preshon inhustu, ku ta ser poné riba e usuario. Eksperensia resien a mustra, ku ora tin dianan largu liber i ofisina ta será, ku e usuario a keda prohibí di risibí e servisio nesesario. Usuarionan ta keda sin awa, sin koriente te dia trabou reanudá siguiente djaluna. E usuarionan aki tambe meresé di selebrá i pasa dianan di fiesta den un ambiente humano i di humanidat!

Partido KEM ta lamentá ku ainda tin kantidat di kas sin awa i tampoko koriente. E personanan aki, bou di ningun forma nan awa i/o koriente ta wòrdu konektá di nobo. Esaki pa motibu di areglonan di pago, ku nan no por kumpli kuné. Konsekuensia di esaki ta, ku nan ta keda sin awa i sin koriente.