Kenia a indiká ku su agentenan lo no sali pa Haiti, te na momentu ku e montante nan palabrá keda pegá.

NAIROBI – E minister di Interior di Kenia, Kithure Kindiki, a sigurá ku e pais lo no manda su agente nan polisial pa Haiti komo parti di e mishon multinashonal aprobá pa Nashonnan Uní te na momentu ku risibí e 225 mion di euronan kalkulá pa e gastunan.

A akordá ku e rekurso nan pa e mishon aki lo organisá i mobilisá entre Estado nan miembro di ONU. I e tropanan, segun a keda indiká, lo no bandoná e pais sin ku esaki ta disponibel.

Den mesun rosea, e minister a sigurá ku e despliegue di Polis di Kenia, lo kosta masoménos 35.570 mion di chelin, masoménos 225 mion di euro.

Aunke ku a hasi e atvertensia aki, e pais afrikano ya a kuminsá identifiká e 1000 agentenan polisial ku mester biaha pa Haiti den diferente tanda.

E gobièrnu di Kenia a duna lus bèrdè dia 13 di òktober último, na e agentenan pa un blokeo temporal ordená algun dia promé pa Tribunal Superior di Nairobi.

E demandante nan ta sostené, entre otro argumentonan, ku e Konstitushon di Kenia ta limitá operashonnan den e teritorio nashonal.

Di nan banda, outoridatnan di Kenia a indiká ku e Parlamento lo tin último palabra pa ku nan partisipashon den e mishon aki.

E pais afrikano a ofresé nan mes na liderá un grupo ku e propio gobièrnu haitiano, a pidi pa hasi un aña pasá i ku a konta ku respaldo di e sekretario general di ONU, Antonio Guterres.

Tambe vários pais karibense a mustra nan disposishon di partisipá ku un number indeterminá di agente den e mishon, inkluyendo Jamaica, Barbados i Bahamas.

Haiti ta den un situashon serio i na diferente okashon ONU a pidi un mishon pa logra pas.