Brievengat—Segun Khalid Sinouh nan tin mas ku 9 luna trahando duru pa logra pone e promé detayenan i yuda Kòrsou yega na un posibel klasifikashon pa Kopa Mundial 2026.

E resien atkishon di Ar’yani Martha di Ajax ta unu di e atkishonnan mas importante despues di e esnan di rumannan Bacuna. Martha por habri porta pa demas hungadónan ku ta dudando. Unu di nan sigur ta Tommy St. Jago, kende pa Mart a preferá na konsentrá ku su ekipo Willem II, despues di a transferí for di FC Utrecht. St. Jago a hunga den eredivisie pa Utrecht pero despues di e konfrontá problema ku leshon, e la pasa pa Willem II ku ta birngando pa promové pa Eredivisie bek.

Segun Khalid tin mas hungadó kendenan no ke menshoná nòmber, pero a laga e portanan habri pa Kòrsou i na Yüni nan lo tuma un desishon. Jurgen Locadia sigur ta unu ku lo djòin e selekshon na Juni unda Kòrsou ta enfrentá Barbados riba djarason 5 di Yüni den Ergilio Hato i djasabra 8 di Yüni ta bishita Aruba.